Әкәм-төкәм

Лэнд-арт объектлары еш кына табигый материаллардан ясала. Шуңа күрә алар урман-кыр кебек табигый киңлекләрдә дә, шәһәр паркында да ясалма булып күренми. «Әкәм-төкәм» тал чыбыгыннан ясалган һәм аның үзенчәлеге статик булмауда. Һәйкәл ясалгач та ачык яшел төстә була, аннары кояш һәм яңгыр тәэсирендә төсен сары, коңгырт, сорыга үзгәртә. Димәк, табигать объектның тышкы күренешенә өлеш кертә.

Тал чыбыгыннан беренче сәнгать объектын рәссам Кристина Евстигнеева 2016 елда «Курши сайлыгы» Милли паркында «Трактование» конкурсы кысаларында ясый. Моңа кадәр Кристина табигый материал белән эшләгән инде, ул кече архитектура формалары булдырган. Үзенең конкурс проекты өчен ул Калининград өлкәсендә үсүче тал чыбыгын алган. Объект өчен поши – милли паркта яшәүче иң эре хайван образы сайлап алынган.

2021 елда рәссам Калининград өлкә балалар һәм яшүсмерләр экология, туган якны өйрәнү һәм туризм үзәге өчен әкәм-төкәм һәйкәлләре сериясен ясый.

Кайгырту – «Алтын алмалар турында әкиятләр» паблик-арт программасы соңгы сезонының темасы. Якыннарың һәм үзең турында кайгырту, тышкы дөнья белән диалог, бездән соң нәрсә калачагы турында кайгырту. Бу – паблик-арт программының әлеге сезонына хас мотив кына түгел, ә проект дәвам иткән 5 ел буена кураторлар, рәссамнар һәм аңа катнашы булган барча кеше салган мәгънә дә. 2022 нче елда без бары тик моны ассызыкладык кына. «Шәһәр белән диалог» юнәлеше кысаларында Әлмәт ишегалларында осталык дәресләре үтте. Аларда шәһәрлеләр рәссамнар һәм башка белгечләр белән берлектә сәнгать объектлары барлыкка китерде.