Алтынчәч һәм Каракүз

XIII гасыр башында Идел буе Болгары яулап алына, ул Монгол империясенең бер өлешенә әверелә һәм соңрак Алтын Урда буларак танылган Җүчи Олысы составына керә. Бу чордан Болгар ханының кызы Алтынчәч һәм Каракүз дигән сугышчы кыз турында татар риваятьләре безнең заманга кадәр килеп җиткән. Мондый риваятьләрнең төрле версияләрендә алар Идел буе Болгар шәһәрләрен төрле илбасарлардан соңгы көнгә кадәр саклап калалар диелә.

Алтынчәчнең татар мәдәниятендәге урыны турында әйткәндә, 1941 елның 9 июнендә Казанда композитор Нәҗип Җиһановның шагыйрь Муса Җәлил либреттосына иҗат иткән «Алтынчәч» исемле операсының премьерасы булганын искә алырга кирәк.

Шәһәр халкы өчен бу урын бик кадерле: ике ел гомер эчендә дивардагы ике дус кыз турындагы тарих вандаллыкка дучар булмады дә диярлек.

Гүзәл Гарипова – Казан иллюстраторы, дизайнер һәм рәссам. Ул балалар китапларын иллюстрацияли, әкият сюжетлары һәм татар халык легендалары белән эшли, өстәл уеннары һәм юлкүрсәткечләр бастыра, өлкәннәрне һәм балаларны укыта. Гүзәл еш кына китап чыгаруда иллюстрацияләрдән башлап версткага кадәр тулы эш башкара.

Күптән түгел генә ул Абдулла Алиш әкиятләре җыентыгы һәм Йолдыз Миңнуллинаның танылган татар легендасы мотивлары буенча язылган «Ай кызы Зөһрә» китабы өчен иллюстрацияләр ясады.

«Алтын алмалар турында әкиятләр» проекты өчен ул шулай ук Төзүчеләр проспекты, 37 адресы буенча урнашкан йорт диварында, «Әлифба» дигән гомуми исем астында берләшкән эшләр сериясе кысаларында, «Һөнәр» сүзен рәсемгә төшерде.