ALMET MEDIA LAB

Өч атна дәвамында лабораториядә катнашучылар, һәм шәһәр пространствосында, һәм өстәмә чынбарлыкта яшәүче иҗади проектларын иң башыннан алып үзләре ясарга өйрәнде. Үз әсәрләрендә алар инде булган эшләргә яңа мәгънә өстәде, Чулман аръягының җирле тарихын һәм мәдәниятен өйрәнде һәм үз идеяләрен өстәмә чынбарлыкның виртуаль дөньясында чынга ашырды.

Паблик-арт программаның иҗтимагый медиа битләрендә һәм вакытлы матбугатта лабораториядә катнашырга теләүчеләр өчен ачык чакыру игълан ителде: гаризада «Мине әйләндереп алган чынбарлыкны заманча технологияләр ярдәмендә ничек үзгәртергә яки нәрсә белән тулыландырырга телим» дигән темага кыска хат-уйлану җибәрергә кирәк иде. Сайлап алуны 10 яшьтән 37 яшькәчә 11 кеше узды. Күпчелек катнашучының өстәмә чынбарлык белән эшләү җәҗрибәсе юк иде, шунлыктан финал проектлар өчен «Инстаграм»да битлекләр форматы сайланды – аларны программалау нигезләрен белмичә дә ясарга була.

Кереш курсны тыңлагач лабораториядә катнашучылар «җанландыру» өчен сәнгать объектлары сайлады һәм кураторлар җитәкчелегендә үз проектлары өстендә гамәли эшләрен башлады. Фольклор-антропология материаллары белән эшләү һәм программаның гиды үткәргән онлайн-экскурсия әзерлекнең мөһим өлеше булды. Лабораториянең «Инстаграм»дагы маскалар рәвешендәге нәтиҗәсе паблик-арт программаның мөһим өлешенә әверелде: Әлмәттә яшәүчеләрне һәм кунакларны лабораториядә катнашучыларның иҗаты белән таныштыручы һәм әлеге эшләр муралларның яңа мәгънәсен ничек ачуы турында сөйләүче яңа экскурсия маршруты барлыкка килде. Сәнгать объектлары янында @almetbublicart «Инстаграм»сәхифәсендәге AR-битлеккә илтүче һәм муралны «җанландырырга» ярдәм итүче QR-код урнаштырылган.

2009 нчы елдан бүгенгәчә кино төшерү өлкәсендә эшли. Аның исәбендә 50 дән артык кино һәм телевизион проект. Моның белән беррәттән төрле ширкәтләр/ театрлар (Россия/ АКШ) өчен театр кую, интерактив музей, иммерсив инсталляцияләр һәм шоуларны уйлап табу, гамәлгә кую һәм интеграция өлкәсендә режиссер, продюсер һәм уйлап табучы продюсер буларак эшли.

Санкт-Петербургтагы Solaris FX студиясенең уйлап табучы продюсеры. Мультимедиа режиссеры, эшчәнлегенең төп өлкәсе – 3D mapping. Театр тамашалары, мультимедиа шоулары, фестивальләр һәм зур чараларның видео бизәлеше өстендә эшләгән.

haptic.team интерактив студиясенең уйлап табучы директоры. Эре шәһәр чаралары, бизнес һәм сәнгать өлкәсендәге вакыйгалар өчен өстәмә һәм виртуаль чынбарлыктан торган 50 дән артык интерактив инсталляцияләр эшләгән. Иң яхшы инсталляция өчен «Яктылык боҗрасы – 2018», «Гатчинода яктылык төне-2018» халыкара яктылык фестивальләренең һәм иң яхшы маппинг өчен «Гатчинода яктылык төне-2019»да җиңү яулый.

Әлмәттәге паблик-арт программаның агарту һәм экскурсияләр юнәлеше кураторы. Екатерина Әлмәттәге «Әкиятләр буенча гид» авторлык экскурсияләре циклы һәм «Проекттан соң шәһәр» агарту мәктәбенең (Almet Media Lab лабораториясе аның кысаларында үтте) башлап җибәрүчесе.

Solaris FX студиясендә CG Generalist, Санкт-Петербург дәүләт мәдәният институты компьютер дизайны кафедрасы мөгаллиме. 2020 нче елның ноябрендә Руслан Люмьер-Холлда (Санкт-Петербург) үткән Халыкара Multimedia Fest «Сәнгатьтә мультимедиа: рәсем, скульптура, архитектура, әдәбият, музыка» фестивале техник җитәкчесе иде. Шулай ук 2020 нче елда Руслан Solaris FX студиясенең башка белгечләре белән берлектә Мамай курганында үткән Җиңү Концертының 3D графикасын эшләде: төркем видеопроекцияләрнең тулы бер циклы өчен җаваплы иде.

Театр һәм кино тавыш режиссеры, Санкт-Петербург дәүләт кино һәм телевидение университетын тәмамлаган. Тавыш режиссерының проектлары арасында: «Романовы. Легенды и судьбы» («Петергоф» Дәүләт музей-тыюлыгы), «Братья Карамазовы» ( «Приют комедианта» Санкт-Петербург дәүләт драма театры), «The last station», 2009 (реж. Майкл Хоффман), «Крылья», 2010 (реж. Алексей Лобанов), «Питер. Лето. Любовь», 2014 (реж. Андрей Хвостов) һ.б.